Greqia akuzon ushtrinë turke për tensionimin e situatës mes dy vendeve

Presidenti grek, Karolos Papulias akuzoi sot ushtrinë turke për tensionimin e situatës mes Greqisë dhe Turqisë. "Roli kryesor i ushtrisë turke në politikën e fqinjit tonë është thelbi i problemeve në marrëdhëniet greko-turke'', deklaroi Papulias, duke i cilësuar kërkesat territoriale të Turqisë si provokime. Marrëdhëniet mes dy vendeve, anëtare të NATO-s janë përmirësuar shumë vitet e fundit, pasi Greqia po mbështet anëtarësimin e Turqisë në BE.