Lulzim Basha priti një ekip të Fondacionit Eduardo Frei të partisë simotër Kristian Demokrate Holandeze, CDA. Sipas Selisë Blu, Kryetari Basha tha se “bashkëpunimi i politikës me krimin goditi rëndë standardet e sigurisë, të demokracisë e votën e lirë”. Sipas tij, “kjo kontribuoi në perceptimin e një krize të rëndë në vend, duke e çuar në rekorde historike fluksin e azil-kërkuesve shqiptarëve në BE, përfshirë Holandën”. Bashkë-biseduesit holandezë shprehën gatishmërinë të ndihmojnë PD-në në kursin e reformimit, si dhe në luftën kundër korrupsionit e krimit të organizuar. Gjithashtu, garantuan mbështetje për zgjedhje të lira e të ndershme në Shqipëri.
