OKB dhe SHBA: Turqia, përgjegjëse për krime lufte!

Zyra e OKB-së për të Drejtat e Njeriut tha se Turqia mund të mbajë përgjegjësi për disa krime lufte, si ekzekutimi i politikanes kurde, sulmi ndaj ndërtesave spitalore, bombardimi i një autokolone me civilë dhe gazetarë.

Sekretari amerikan i Mbrojtjes po ashtu tha se Uashingtoni do ta quajë Turqinë përgjegjëse për krime lufte. Turqia nisi një fushatë intensive bombardimi më 7 tetor, dhe më pas vazhdoi me pushtim nga toka, që ka detyruar rreth 275 mijë banorë të largohen nga shtëpitë e tyre. Deri tani janë raportuar vdekjet e 45 civilëve, përfshi një politikane të famshme kurde si dhe disa gazetarë.