“Shumë shpejt do të ketë një ligj të ri për të luftuar dhunën ndaj grave”. Kjo u njoftua sot nga kryeministri Rama në një deklaratë të bërë në Forumin e Dytë Rajonal me temë “Fund dhunës ndaj grave në Ballkanin Perëndimor dhe në Turqi!”. Rama tha se Shqipëria ka bërë përparime në aspektin e barazisë gjinore duke theksuar se “Sot në qeveri ka më shumë ministre gra, ndërsa në këshillat bashkiakë, 50% është përfaqësimi i tyre”. Shefi i qeverisë shtoi se duhet të mendohet për qendra riedukative për burrat.