Angelina Jolie është shfaqur në një anë ndryshe nga ajo që publiku është mësuar të shohë, duke marrë pjesë në një event bamirës sportiv në Los Angeles së bashku me djalin e saj, Pax.
Aktorja fituese e çmimit Oscar, 51 vjeçe, mori pjesë në aktivitetin “Support+Feed Pickleball Invitational and Game Night”, ku zëvendësoi tapetin e kuq me fushën e pickleball-it dhe u përfshi aktivisht në lojë.
E veshur me një stil të thjeshtë sportiv, Jolie tregoi shpirt konkurrues dhe energji pozitive gjatë eventit, ndërsa kaloi momente të veçanta pranë djalit të saj 22-vjeçar.
Aktiviteti bamirës mblodhi një numër të madh personazhesh të njohur dhe kishte si qëllim mbështetjen e nismave kundër ndryshimeve klimatike dhe pasigurisë ushqimore.
Organizata “Support+Feed”, e cila qëndron pas eventit, është themeluar nga Maggie Baird, nëna e këngëtares Billie Eilish, dhe prej vitesh promovon ushqimin e qëndrueshëm dhe mbrojtjen e mjedisit.
Në mesin e të ftuarve ishin edhe emra të njohur të industrisë së argëtimit, përfshirë Mel C, Kristen Bell dhe Dax Shepard, duke e kthyer aktivitetin në një kombinim të sportit, bamirësisë dhe yjeve të Hollywood-it.
Dalja e përbashkët e Angelina Jolie dhe Pax tërhoqi vëmendjen e të pranishmëve, duke vënë në pah lidhjen e ngushtë mes nënës dhe djalit, si dhe angazhimin e vazhdueshëm të aktores në kauza humanitare dhe sociale.
