Për kinema-dashësit vjen një program i cili sjell kinemanë në 360 gradë. Filmat e rinj, ngjarjet e fundit nga protagonistët tuaj të preferuar, recensionet e filmave, shoqëruar nga kolonat zanore të paharrueshme që zgjojnë kujtime rrënqethëse. Bota e magjishme e kinematografisë në një program të dedikuar në Top Albania Radio nga Edi Hallaçi dhe Edea Demaliaj.
Në këtë episod, ata na kanë njohur ndër të tjera me disa filma interesantë politikë, që lidhen me atmosferën e fushatave elektorale në vendin tonë. Ja çfarë na sugjerojnë ata të shohim këto ditë…
The Campaign
Kongresmeni demokrat Cam Brady (Will Ferrell) i Distriktit të 14-të të Hammond të Karolinës së Veriut po kandidon për mandatin e tij të pestë pa kundërshtarë. Megjithatë, fushata e tij dëmtohet nga zbulimi i lidhjes së tij me një prej mbështetësve të tij, kur Cam lë aksidentalisht një mesazh zanor seksual në telefon. Biznesmenët e korruptuar, vëllezërit Glen (John Lithgow) dhe Wade Motch (Dan Aykroyd), e përdorin këtë mundësi për të bindur Marty Huggins (Zach Galifianakis), drejtor turizmi për qytetin e Hammond dhe djali i një prej bashkëpunëtorëve të tyre, Raymond Huggins (Brian Cox), për të kandiduar kundër Cam. Këta rivalë politikë që po konkurrojnë për të njëjtin vend, nuk do të ndalen para asgjëje për të kaluar njëri-tjetrin gjatë fushatave të tyre.
Election
Jim McAllister (Matthew Broderick), një mësues i pëlqyer i shkollës së mesme, nuk mund të mos vërë re se studentja e suksesshme Tracy Flick (Reese Witherspoon) përdor më pak se taktika etike për të marrë atë që dëshiron. Kur Tracy kandidon për presidente të shkollës, Jim mendon se ajo do të ketë një ndikim të dobët në trupin e studentëve dhe bind Paul, një student atlet jo shumë i zgjuar, por popullor, të kandidojë kundër Tracy. Kur ajo bëhet e vetëdijshme për përfshirjen e fshehtë të Jim në garë, nis një grindje e ashpër.
