Rosie Huntington-Whiteley ka rrëmbyer vëmendjen e ndjekësve të saj me një seri fotografish magjepsëse nga pushimet në Mallorca, ku shfaqi elegancën dhe format e saj të tonifikuara.
Supermodelja 39-vjeçare publikoi në Instagram disa momente nga arratisja e saj verore, duke pozuar fillimisht me një fustan të bardhë të lehtë veror, ndërsa më pas tërhoqi vëmendjen me një palë bikini të bardha që nxirrnin në pah barkun e saj të tonifikuar dhe fizikun mbresëlënës.
Në fotografi të tjera, Rosie u shfaq me një fustan të gjatë sateni në ngjyrë të bardhë, ndërsa shijonte atmosferën relaksuese të ishullit mesdhetar. Ajo e shoqëroi postimin me mbishkrimin e thjeshtë: “Dielli i verës”.
Paraqitja e saj vjen pak kohë pasi modelja u shfaq duke promovuar veshje sportive të markës Alo, ku po ashtu ekspozoi linjat e saj elegante gjatë një seance stërvitore.
Rosie, e cila është nënë e dy fëmijëve, Jack dhe Isabella, ka folur më herët për disiplinën që ndjek për të ruajtur formën fizike. Ajo kombinon Pilates, klasa intensive kërcimi dhe ushtrime rezistence, duke u stërvitur zakonisht tre herë në javë.
Ndërkohë, modelja dhe partneri i saj, aktori i njohur Jason Statham, po ndërtojnë shtëpinë e tyre të ëndrrave në jug të Anglisë. Çifti ka investuar në një pronë të madhe ku kanë krijuar edhe një studio joge pranë një liqeni privat, si pjesë e stilit të ri të jetesës larg zhurmës së qytetit.
Në intervista të fundit, Rosie ka treguar se po përgatitet për një jetë më të qetë në fshatin anglez, duke u rikthyer te pasioni i saj për natyrën dhe kuajt. Ajo ka pranuar se dëshiron që fëmijët e saj të rriten me të njëjtat vlera të thjeshtësisë dhe mirënjohjes që ka mësuar gjatë fëmijërisë së saj në Devon.
Megjithatë, për momentin janë fotografitë e saj nga Mallorca ato që po bëjnë xhiron e rrjetit, me fansat që nuk kanë kursyer komplimentet për pamjen e saj elegante dhe formën e shkëlqyer fizike.
