Fashion

6 pallto të zeza për t’ju mbajtur ngrohtë dhe njëkohësisht të dukeni plot stil!

Mendoni se palltot e zeza janë të mërzitshme? Mendohu përsëri. Një pallto e ngrohtë dimri në të zezë vepron si një kameleon për veshjen tuaj, çfarëdo që të vishni, pavarësisht nga stili i veshjes suaj, palltoja e zezë ka fuqinë që gjithmonë të dukeni elegantë dhe super në formë. Me veshje për festa, veshje zyre ose veshje sportive, nuk do të gaboni duke kombinuar pamjen tuaj me këtë element kaq kryesor. Këtu kemi zgjedhjen tonë të palltove të zeza dimërore për femra të cilat do t’ju shërbejnë për një pamje serioze dhe të bukur.

1. Stili ‘puffer’

Kjo pallto ‘puffer’ e thjeshtë por me stil ka një pjesë të shtuar të belit me lidhëse dhe jakë shalli për ta bërë sa më interesante pamjen tuaj. Do të duket po aq e lezetshme për një pamje gjatë stërvitjes sa edhe me një fustan të lezetshëm dhe çizme me taka.

2. Pallto e zezë prej leshi

Një pallto me këtë lloj teksture është një alternativë argëtuese dhe një pallto pelushi është më e këndshme nga të gjitha. I bërë nga material më i butë me xhepa të veshur me lesh, ky version më i gjatë do t’ju mbajë padiskutim ngrohtë.

 

3. Pallto/xhaketë e zezë lëkure

Asgjë nuk mund t’ia kalojë një palltoje apo xhakete lëkure të zezë klasike. Kjo alternativë qëndron për të gjitha stinët dhe rastet dhe ky lloj stili është kombinimi ideal i përjetshëm, por gjithashtu edhe shumë në modë.

4. Pallto e zezë me rrip në mes

Një pallto e zezë me rrip në mes është perfekte për t’u kombinuar, çfarëdo që të vishni poshtë. Shkoni për këtë version për një pamje super elegante dhe do të keni mundësinë ta vishni herë pas here.

5. Pallto e zezë aviatori

Edhe pse teknikisht është një xhaketë, ky stil aviator është një nga më të ngrohtat që ekzistojnë, falë shtresave të tij prej lëkure dhe të veshur me lesh artificial.

6. Pallto e zezë ushtarake

Kate Middleton dhe Holly Willoughby janë disa figura publike që e pëlqejnë një pallto të stilit ushtarak dhe ne mund ta kuptojmë pse. Këto lloj palltosh janë mjaft të strukturuara dhe me stil. Provoni këtë version për t’i dhënë një pamje ndryshe.