Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Music

ABBA rikthehet fuqishëm, në Top 10 Singles në Britani!

Pas gati 40 vjetësh, grupi legjendar i popit suedez, ABBA që në vitet ‘80 njihej edhe në Shqipëri do të jetë në Top 10 Singles në Britaninë e Madhe, me dy këngë të reja nga albumi i ardhshëm “Voyage”.

“I Still Have Faith in You” dhe “Don’t Shut Me Down” përkatësisht renditen në vendin e 6-të e të 7-të në klasifikimet britanike, sipas vlerësimeve të publikuara e të bazuara në shitjet e para e transmetimet.

Nëse vrulli vazhdon, këto këngë do të jenë të parat e ABBA-ve në Top 10 në Britani që nga “One Of Us”, në dhjetor 1981.

“I Still Have Faith in You” ka siguruar shitje të mëdha të CD-ve e vinileve.

Deri tani “Don’t Shut Me Down” është kënga më e shkarkuar në një javë në Britani.

Dy këngët e reja janë marrë nga “Voyage”, albumi i parë në studio i ABBA-ve, që nga “The Visitors” më 1981.

Katër anëtarët e ABBA-ve, akronim i përbërë nga inicialet e emrave të tyre të parë Anni-Frid Lyngstad, 75-vjeçe; Agnetha Fältskog, 71; Björn Ulvaeus, 76; Benny Andersson, 74, u ndanë në vitin 1982.

“Voyage”, një album me 10 këngë do të publikohet më 5 nëntor.