Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Music Showbiz

Adele ka një super lajm për të gjithë fansat e saj në mbarë botën!

Këngëtarja më e pëlqyer e cila ka thyer rekorde të padiskutueshme me zërin e saj unik, së shpejti pritet që të vijë me një surprizë për fansat e saj. Adele po përgatitet që të bëjë një rikthim të bujshëm gjatë periudhës së Krishtlindjeve.

Ky rikthim i saj pritet që të kompletohet edhe me albumin e saj të katërt dhe me qershinë mbi tortë, e cila do të jetë një koncert televiziv që do të mbahet në Las Vegas. Kjo pritet që të jetë një nga ngjarje më spektakolare pasi shfaqja e parë live do të vijë pas katër vitesh. Kujtojmë se turneu i Adele në vitin 2017 rezultoi të ishte një sukses i padiskutueshëm pasi theu rekorde shikueshmërie.

Adele dhe menaxheri i saj kanë qenë në bisedime me ‘BBC America’ për të mundësuar transmetimin e shfaqjes në të gjithë botën. Kjo mendohet se do të jetë një nga shfaqjet e para si pjesë e turneut të saj promovues të këtij viti.

Data e shfaqjes, e cila do të jetë pjesë e turneut të saj nuk është përcaktuar ende. Ngjarjet dhe zhvillimet e pandemisë së COVID-19 do të ndikojnë pasi akoma nuk është arritur që të stabilizohet ashtu siç duhet gjendja dhe gjithçka të vazhdojë normalisht.

Në lidhje me rikthimin përsëri të Adele ka folur edhe këngëtari i njohur Ed Sheeran i cili gjatë një interviste ishte shprehur se besonte që këngëtarja e hitit ‘Hello’ do të kthehej gjatë sezonit të festave të fundvitit. Gjithashtu burime pranë këngëtares janë shprehur se label-i i saj ‘Sony’ mendohet të jetë duke përgatitur një lançim në në muajin nëntor të këngëve, nga të cilat pritet të shikojmë edhe reflektimin e ikonës së muzikës pas divorcit të saj nga ish-bashkëshorti, Simon Konecki.

Rikujtojmë gjithashtu se Adele ka nisur zyrtarisht një lidhje romantike me Rich Paul. Agjenti sportiv është parë me këngëtaren britanike në ndeshjen e 5-të të finaleve të NBA në muajin korrik, dy muaj pasi qarkulluan lajmet se dyshja kishin filluar të shoqëroheshin me njëri-tjetrin.