Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Health & Beauty Lifestyle

“Afër detit afër mbretit”/Nëse jeni çdo ditë përballë tij, keni këto benefite!

Nëse jeni shpesh në ankth dhe përgjithësisht një njeri ankthioz, shikoni detin! Me fat ata që jetojnë në det apo edhe e shohin atë nga larg, pasi, ndër të tjera, janë më të qetë. Njerëzit që, nga shtëpia ose zyra, shohin detin çdo ditë kanë dukshëm më pak stres psikologjik dhe kjo sipas një studimi të ri shkencor SHBA-Zelanda e Re. Studimi zbuloi se pamja e detit është më superior se pamja e gjelbër.

Ata që panë pyje ose parqe nga shtëpitë e tyre çdo ditë nuk kishin përfitime të ngjashme në zvogëlimin e stresit. Studiuesit, të udhëhequr nga Asistente Profesorja e Gjeografisë Shëndetësore, Amber Pearson nga Universiteti Shtetëror i Miçiganit dhe të botuar në revistën “Health and Place”, studiuan të dhënat topografike dhe mjekësore për banorët e kryeqytetit të Wellington, Zelanda e Re, duke ndërlidhur pikëpamjen që të gjithë kishin me nivelin e tyre të stresit.

Pavarësisht nga gjinia, mosha, niveli i të ardhurave, etj., pamja e detit dukej se ishte e lidhur pozitivisht me një gjendje shpirtërore më të qetë. Sa i përket gjelbërimit ose malit, që duken se “humbasin” në raport me detin, studiuesit vunë në dukje se kjo mund të jetë pjesërisht për faktin se ata vetë nuk bënë dallimin midis hapësirave të gjelbra natyrore dhe atyre artificiale.

Ndërsa pamja e detit është plotësisht e natyrshme, jeshilja zakonisht përfshin ndërtime ose aktivitete njerëzore si terrene lojërash, fusha, parqe, etj. Pearson ndër të tjera tha gjithashtu se ishte e paqartë nëse pamja e një liqeni apo lumi zvogëlon stresin aq sa pamja e oqeanit apo e një deti.

Ndoshta nëse e krahasojmë detin vetëm me pyjet e virgjëra, do të gjenim diçka tjetër.

Në çdo rast, gjetjet mund të jenë me interes për arkitektët që merren me planifikimin hapësinor të qyteteve.