Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Aktualitet

Aksident fatal në Greqi, shuhen tre anëtarë të një familjeje shqiptare!

Një aksident tragjik i ka marrë jetën tre anëtarëve të një familjeje shqiptare në Domokous të Greqisë. Mësohet se makina ku udhëtonte familja shqiptare është përplasur kokë më kokë me një kamion-cisternë. Mediat greke raportojnë se për pasojë, nga përplasja fatale ndërruan jetë kryefamiljari 46-vjeçar, bashkëshortja 43- vjeçe dhe vajza e tyre, 22. I vetmi i mbijetuar është djali 17-vjeçar, i cili ka mbetur i plagosur, ndërsa ndodhet jashtë rrezikut për jetën.

Aktualisht ai është shtruar në spitalin e Lamias. Sipas kryetarit të Komunitetit të Koromilisë, Dimitris Giataganas, në aksin rrugor ku ndodhi përplasja, brenda dy vitesh janë regjistruar 8 aksidente, dy prej tyre me vdekje. Ai tha se asfalti është i vjetër dhe në shiun e parë, bëhet i rrëshqitshëm. Rrethanat e aksidentit të rëndë vazhdojnë të hetohen.