Një aksident ka ndodhur këtë pasdite në rrugën që të çon në fshatin Nartë të Vlorës.
Një makinë tip “Mercedes” ka dalë nga rruga duke u përplasur me një shtyllë. Mësohet se në mjet udhëtonin pesë persona, midis tyre dhe dy fëmijë.
Nga aksidenti kanë mbetur 5 persona të plagosur , të cilët janë transportuar me tre ambulanca në drejtim të spitalit të Vlorës. Si pasojë e aksidentit një grua ndodhet në gjendje të rëndë shëndetësore, ndërsa katër personat e tjerë janë duke marrë trajtim mjeksor.
Policia në vendngjarje ka nisur hetimet për zbardhjen e rrethanave. Paraprakisht dyshohet se drejtuesi i mjetit ka qenë nën efektin e alkoolit.
