Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Aktualitet Celebrities

Aktori shqiptar në gjendje të rëndë shëndetësore, hyn në intubim në spitalin COVID2

Pak javë më parë u mësua se aktori i famshëm i kinematografisë shqiptare, Guljelm Radoja ishte i shtuar në spitalin COVID të Durrësit për shkak se ishte infekuar nga Koronavirusi. Djali i tij me anë të një interviste për Top Channel rreth 1 muaj më parë na përditësoi me gjendjen e aktorit duke thënë se Radoja ka nevojë për një mrekulli pasi situata shëndetësore dukej e rëndë.

Ditën e sotme mësohet se Guljelm Radoja është shtuar në Tiranë, në spitalin COVID2, “Shefqet Ndroqi” ku është futur në intubim. Pas shtrimit të tij spital, të shumta kanë qënë reagimet e miqve dhe kolegëve të cilët u bënë thirrje qeverisë shqiptare që ta dërgojnë aktorin e shquar për kurim jasht vendit.

Radoja ka lindur në 2 korrik të vitit 1945 në qytetin e Shkodrës. Pas përfundimit të studimeve të larta në Institutin e Lartë të Arteve (sot Akademia e Arteve) për Dramaturgji në vitin 1972, fillon punën si aktor profesionist në Teatrin e Librazhdit.

Në kinematografi ai ka luajtur më shumë se 30 role. Roli i tij i parë ishte ai i inxhinierit të pyjeve në filmin “Gjurma” në vitin 1970. Më tej do të vazhdonin një sërë rolesh të tjera si roli i Tenente Gruabardhit në filmin “Në fillim të verës” në vitin 1975, roli i Stefan Bardhit në filmin “Mësonjëtorja” në vitin 1979, roli i Petro Nini Luarasit në filmin “Kush vdes në këmbë” në vitin 1984, roli i priftit në filmin “Kthimi i ushtrisë së vdekur” në vitin 1989, roli i prokurorit në filmin “Kolonel Bunker” në vitin 1998, etj.

Për meritat e tij artistike Guljelm Radoja është nderuar me titullin “Artist i Merituar”.