Fernando Alonso, i cili ka fituar dy herë trofeun e Formula 1 do t’i bashkohet skuadrës së Aston Martinit vitin e ardhshëm.
41-vjeçari zëvendëson Sebastian Vettel pasi gjermani njoftoi tërheqjen javën e kaluar.
Alonso, i cili ka fituar dy tituj për Renault në 2005 dhe 2006, ka rënë dakord për një marrëveshje shumëvjeçare me ekipin britanik.
Spanjolli do të jetë partner me Lance Stroll, djali i pronarit miliarder të Aston Martin, Lawrence Stroll.
“Ekip i Aston Martin po kërkon energjinë dhe përkushtimin për të fituar, dhe për këtë arsye është një nga ekipet më emocionuese në Formula 1 ,” u shpreh piloti duke e cilësuar një mundësi të jashtëzakonshme hapin e tij të radhës.
Aston Martin ka ambicie për t’u bërë pretendente për titull brenda pesë viteve të ardhshme.