Aktualitet

Ambasadorja Kim: Shqipëria një vend në lulëzim, por e pengon korrupsioni!

Ambasadorja amerikane në Shqipëri Yuri Kim, është shprehur ditën e sotme gjatë konferencës anti-korrupsion se Shqipëria është një vend në lulëzim por ajo çfarë e pengon është korrupsioni.

Zyrtarja e lartë u shpreh se lufta kundër korrupsionit është shumë e rëndësishme në vend dhe SHBA-ja do të jetë gjithmonë një shtysë për Shqipërinë në realizimin e kësaj sfide.

Yuri Kim: Tani ja ku jemi i 31 vite nga fundi i komunizmit, 100 vite që kur u vendosën lidhjet me SHBA. Një vend që e ka ekonominë në lulzim, kur erdha këtu e ndjeva energjinë dhe është frymëzuese. Ky vend ka aftësi për më tepër, por çfarë e bllokon? Korrupsioni.

Këtu duhet të marrësh e të japësh rryshfet në mënyrë që të tregosh talentin. Ky është thelbi i korrupsionit.

Lufta kundër korrupsionit është një çështje e rëndësishme për këtë vend që shteti të jetë i pavarur e i pasur. Ne duam që Shqipëria të jetë gjithmonë e më shumë një partner.  Ne flasim për rolin e SHBA-ve dhe dëgjoj që më thonë vetëm ju mund ta bëni këtë. Por unë mund të them se vetem ju mund ta bëni, SHBA do të jetë me ju në çdo hap, ndonjëherë di ju shtyjmë në, do jeni të lodhur e nuk do të mund të vazhdoni por ne do të jemi aty. Kemi folur për faktin se në 100 vite ju keni kaluar shumë gjëra, jeni anëtër i NATO-s, jeni në prag të BE-së, keni bërë gjithë punën e nevojshme për të qenë anëtar.

Do të doja të thoja se të gjithë ne, ju si qytetarë të Shqipërisë dhe unë si përfaqësuese e SHBA duhet të bëjmë sëbashkë forcat në këtë cast historik për të thënë  mjaft me korrupsionin dhe të mbrojmë demokracinë, për të thënë që Shqipëria të mund të jetë më e fortë.

Mendoni se ku keni arritur si vend. Festuam 30 vite të Shqipërisë së lirë, të një demokracie dhe një populli që hoqi qafe diktaturën dhe komunizmin.

Diktatura dhe komunizmi janë  forma e saj e korrupsionit dhe ata që e kanë përjetuar e dinë që kjo është e vërteta e korrupsionit.