Ambasadorja e Shteteve të Bashkuara të Amerikës në Tiranë, Yuri Kim ka reaguar në lidhje me vendimin e qeverisë së Britanisë së Madhe, për ‘shënjestrimin’ e disa shqiptarëve, të cilët dyshohet se janë përfshirë në veprime kriminale dhe korrupsion.
Përmes një postimi në rrjetet sociale, Kim është shpreuhur se kushdo që ka abuzuar me besmin e publikut për të pasuruar veten, duke u përfshirë në korrupsion dhe minuar demokracinë.
Diplomatja theksoi se askush nuk është mbi ligjin
“Ne e mirëpresim këtë veprim të rëndësishëm të Britanisë së Madhe. Ata që kanë abuzuar me besimin e publikut për të pasuruar veten dhe për të shtrembëruar sundimin e ligjit, pra ata që janë përfshirë në korrupsion të madh dhe minuar demokracinë, duhet të përballen me drejtësinë. Askush nuk është mbi ligjin”, shkroi Kim në Twitter.
We welcome this important 🇬🇧 action. Those who have abused the public's trust to enrich themselves & pervert the rule of law – in other words, those who have engaged in significant
corruption & undermined democracy – must face justice. No one is above the law. https://t.co/HFB3cIThVJ— U.S. Ambassador to Albania (@USAmbAlbania) July 21, 2022
Britania e Madhe ka vendosur ‘nën shënjestër’ disa shtetas shqiptarë, sipas saj janë të përfshirë në krim dhe korrupsion.
Lajmi është publikuar në faqen e qeverisë britanike. Në shkresën e të dërguarit të Posaçëm të kryeministrit britanik në Ballkanin Perëndimor, Stuart Peach, nënvizohet se kjo është “vala e parë e një serie veprimesh për të inkurajuar llogaridhënien dhe për t’i dhënë fund pandëshkueshmërisë”.
