Nuk ka marrëveshje, edhe këtë fundjavë nuk do të ketë ndeshje futbolli. Ndonëse palët janë përafruar në qëndrime, takimi i sotëm mes Ligës Profesioniste të Futbollit dhe Ministrisë së Financave u mbyll pa akord.
Presidenti i Ligës Edvin Libohova deklaroi se bojkoti vazhdon deri në plotësimin e 4 kërkesave që kanë të bëjnë me faljen e gjobave, rishikimin e tatim-taksave dhe Ligjit të Sponsorizimeve.
I dërguari i Kryeministrit, Fidel Ylli që ndërmjetëson mes palëve tha se të premten do të ketë një tjetër takim. Sot janë zgjidhur 90% e problematikave.
