Venat e fryra dhe me gunga edhe pse nuk janë të rrezikshme janë goxha të pakëndshme. Megjithëse jo gjithmonë mund të parandalohen, ka disa veprime që bëjmë çdo ditë që mund të shkaktojnë fryrjen e venave tona. Njihuni me to:
1.Depilimi i këmbëve.
Nëse jeni mësuar të depiloni këmbët me nxitim, nuk po u bëni asnjë favor venave tuaja. Prerja aksidentale e këmbëve me brisk mund të ndikojë në venat tuaja që janë të prirura për gjakderdhje. Shumica e grave depilohen në një dush të ngrohtë ose të nxehtë dhe kur aksidentalisht priheni nga brisku, nxehtësia mund ta bëjë gjakderdhjen më intensive. Për ta parandaluar këtë, zgjidhni brisqet që janë krijuar posaçërisht për lëkurën e thatë.
2.Masazhimi i këmbëve.
Mënyra se si masazhoni këmbët gjatë aplikimit të një produktit padyshim që mund t’ju ndihmojë. Ajo stimulon rrjedhën e gjakut, e cila nuk do të lerë venat tuaja të “dembelosen”. Si bonus, qarkullimi i përmirësuar i gjakut ndihmon në përshpejtimin e prodhimit të kolagjenit dhe mban këmbët tuaja të lëmuara më gjatë.
3.Po përdorni një furçë të thatë.
Ju ndoshta keni parë blogere të bukurisë që promovojnë larjen e këmbëve me furça të ndryshme, po kjo sjell më shumë dëmtime sesa dobi. Nëse e përdorni furçën për të larë këmbët tuaja shpeshherë, ajo mund të shkaktojë prerje nga fijet e saj. Kjo, nga ana tjetër, i bën venat tuaja më të prekshme ndaj gjakderdhjes spontane dhe infeksionit.
4.Vrapi.
Qëndrimi aktiv padyshim që mund të ndihmojë në parandalimin e zhvillimit të variçeve, por disa ushtrime mund të çojnë në këtë gjendje me kalimin e kohës. Ndërsa vraponi, vëllimi i rritur i gjakut mund të dëmtojë venat tuaja dhe përfundimisht e bën më të vështirë për gjakun që të qarkullojë nëpër këmbë.
5.Po konsumoni shumë sheqer.
Sheqeri bën që presioni i gjakut të rritet, gjë që mund të dëmtojë dhe dobësojë venat. Ajo gjithashtu mund të shkaktojë inflamacion në enët e gjakut, duke e bërë më të vështirë të pompohet gjaku siç duhet, gjë që mund të shkaktojë zgjerimin dhe fryrjen e venave. Në fakt, edhe ushqimet që duken si alternativa më të shëndetshme për ëmbëlsirat, të tilla si frutat e thata, shpesh janë shumë të larta në kalori dhe sheqer, gjë që i bën ata armikun më të keq të venave tuaja.
6.Vishni rroba të ngushta.
Rrobat e ngushta mund të duken mirë te ju por ato gjithashtu kufizojnë qarkullimin e gjakut dhe e bëjnë më të vështirë që gjaku të rrjedhë nga këmbët tuaja në pjesën tjetër të trupit. Në vend që të vishni xhinse të ngushta, zgjidhni veshje më të lira. Venat tuaja do t’ju falënderojnë.
7.Ju flini me shpinë.
Ndërsa gjumi me shpinë mund të ndihmojë për të parandaluar rrudhat e fytyrës, nuk është pozicioni më i mirë i gjumit nëse vuani nga variçet. Është më mirë të flini në anën tuaj të majtë sepse heq presionin nga vena më e madhe e trupit, e cila ndodhet në anën e djathtë. Kjo do të ndihmojë për të rritur qarkullimin e gjakut.
Shumë gra vuajnë nga ënjtja në këmbë. Kjo ënjtje mund të shfaqet veçanërisht pasi keni kaluar periudha të gjata kohore në këmbë ose ulur. Por herë pas here mund të jetë gjithashtu një ‘flamur i kuq’ për qarkullim të dobët të gjakut ose probleme të tjera shëndetësore. Nëse kjo gjendje është e përsëritur, sigurohuni që të bëni një takim me mjekun tuaj. Njihuni në këtë link me disa këshilla që mund t’i zbatoni menjëherë.
