Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Sport

Balotelli, thirrje të ndalohen gratë që lindin fëmijë për para’, me kë e ka?

Mario Balotelli i ka hapur luftë ish-të fejuarës Clelia, nëna e djalit të tij, Lion. Në një postim në rrjetet sociale, futbollisti italian shkruan:

Ligji duhet të ndalojë gratë që e kanë mendjen te paratë të bëjnë fëmijë kundër dëshirës së burrave vetëm për përfitime financiare. Kjo është djallëzore, trishtuese e imorale!

Por Clelia nuk qëndroi në heshtje:

Nuk ka respekt për nënat, e vetmja gjë që di të bëjë është të gënjejë!

30-vjeçari, i cili aktualisht luan në Turqi për Adana Demirspor është baba i dy fëmijëve, vajzës Pia 9-vjeçe nga lidhja me Raffaella Fico-n dhe Lionit, i cili mbush 4-vjeç në shtator.

Replikat vazhduan:

Familja lind nga dashuria jo nga bashkëjetesa. Nëse je single, zbavitesh e nuk mund të kujdesesh për veten, mos përdor persona të tjerë si bankomat, gjej një punë para se të bësh fëmijë! Edhe pse ndonjëherë ligji është i padrejtë, Zoti nuk është… Në fund, ndëshkimi do të jetë i përjetshëm!

Clelia shmangu emrat kur deklaroi:

Fizikisht dhe mendërisht jam viktimë… Nuk ndalet kurrë!

Historia mes të dyve përfundoi shpejt dhe dashuria i la vendin zemërimit. Edhe me Raffaella Fico-n, tensionet ishin të larta. Balotelli i njohu atësinë Pia-s kur mbushi 2-vjeç, pas një beteje gjyqësore. Tani me modelen napoletane marrëdhëniet janë të mira e të shpresojmë se kështu do të jenë edhe me Clelia-n.