Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Lancio Music

Beatrix Ramosaj dhe Eugent Bushpepa bashkojnë forcat për projektin më të ri muzikor

Beatrix Ramosaj është një ndër ato artiste nga e cila na mungon shumë një projekt muzikor. Që pas hitit “Pa Ndjenjë” që këngëtarja publikoi rreth 3 vite më parë, ajo u shkëput nga muzika për një kohë relativisht të gjatë.

Tashmë, Trixa është rikthyer madje me një surprizë të madhe. Bukuroshja do të bashkojë forcat me yllin e muzikës ‘rock’, Eugent Bushpepa dhe ky fakt ka lumturuar pa fund fansat e tyre por edhe të gjithë adhuruesit e muzikës.

Lajmin e mirë e ka konfirmuar vetë artistja nëpërmjet një postimi në rrjetin social Instagram, ku shfaqej krah Gentit. Dyshja në foto gjendeshin në setin e xhirimit të klipit, ama asnjë prej tyre nuk ka zbuluar detaje të tjera veç faktit se kënga do të publikohet së shpejti.

“Ju mori malli për mua?” -shkruan ajo në përshkrimin e postimit të saj duke shtuar #DancingWithTheDevil, mos vallë kjo e fundit është dhe titulli i prurjes së re të tyre?!