Billie Eilish është një artiste e re në moshë e cila ka arritur të ketë një sukses të jashtëzakonshëm me projektet e saj muzikore. Tepër e talentuar, Billie ka vërtetuar se është e aftë t’ia dalë me gjithçka që dëshiron, teksa nuk njihet vetëm për këngët e saj, por edhe për mesazhet e forta që shpeshherë u dërgon fansave.
Këtë herë, Billie pozon me lëkurë që shkëlqen për të zbuluar aromën e saj debutuese në një reklamë të re. Duket se, së shpejti fansat e këngëtares do të mbajnë erë njësoj si ajo, teksa ajo debutoi me ‘sulmin’ e parë në botën e aromave ditën e mërkurë.
Jam shumë e emocionuar që më në fund po ndaj aromën debutuese me ju. Kjo është një aromë që kam ndjekur për vite e vite me radhë, dhe është aroma ime më e preferuar në botë.
Aroma ka qenë gjithnjë një pjesë kaq e madhe e jetës dhe ekzistencës sime, dhe ishte një ëndërr të krijoja këtë aromë dhe të sillja idetë e mia. Kjo ka qenë një nga gjërat më emocionuese që kam bërë ndonjëherë, mezi pres të bëhet e juaja.
Për reklamën e aromës pozoi vetë Billie, lëkura e së cilës shkëlqente. Ajo e ka vërtetuar tashmë se pamja nuk ka rëndësinë që merr, ndaj dhe ka zgjedhur mos të tregojë format e trupit të saj teksa në të shumtën e rasteve mban veshur gjëra të gjera. Billie na e vërteton gjithnjë e më tepër se ia del në gjithçka që ajo vendos të bëjë!
