Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Gossip Showbiz

Bora Zemani rrëfehet për herë të parë për ribashkimin e saj me Donaldin që i emocionoi të gjithë!

Mund të themi me plot gojë se spektakli i mbrëmjes së të premtes na la pa fjalë dhe me shumë lot. Që kur u zbulua ekskluzivisht për TAR se Bora do të ishte pjesë e shtëpisë më të famshme në Shqipëri dihej se do të kishte shumë emocione, por një ribashkim i tillë mes saj dhe Donaldit nuk pritej të ndodhte dhe për më tepër një puthje që i përloti të gjithë.

Fillimisht, takimi i saj me Semin, miken e saj të ngushtë prej 15 vitesh na fali me të vërtetë shumë emocione. Kur pjesa dërrmuese e ndjekësve i ishin kthyer kundër kësaj të fundit duke e ‘akuzuar’ se po i merrte ish të dashurin shoqes së ngushtë, takimi i Borës me të sqaroi gjithçka dhe mbrojtja e mbështetja e madhe që kjo e fundit i dha shoqes së saj ishte një moment shumë prekës. Dy vajzat mes lotëve përqafonin fort njëra-tjetrën dhe mund të themi se na mblodhën një ‘lëmsh’ në fyt.

E më pas, erdhi momenti kulminant! Teksa Donaldi kërkoi të takonte dhe ai Borën, kjo e fundit pranoi dhe sa mirë bëri… Të shikonim një ribashkim aq të bukur ishte një gjë vërtet emocionuese që u mbyll me një puthje që “çmendi” një Shqipëri të tërë. Dyshja dukeshin si dy fëmijë të pafajshëm dhe të dashuruar kokë e këmbë me njëri-tjetrin.

Pas kësaj, Bora nuk kishte reaguar më në lidhje me këtë temë, deri episodin e ditës së sotme në “Për’Puthen” ku në fillim të programit u shfaqën disa momente nga takimi mes tyre dhe prezantuesja nuk i kurseu disa fjalë në lidhje me atë takim. Si rrallëherë, Bora rrëfeu se edhe ajo kishte përjetuar emocione shumë të forta.

E dija që do të më ngacmonin për këtë çështje, por nuk prisja deri në këtë pikë.

Ajo gjithashtu u pyet nga nga opinionisti Arjan Konomi nëse ky ishte një ribashkim mes saj dhe Donaldit Bora u përgjigj se as ajo vetë nuk e dinte. Për të nuk ishte vetëm ai moment shumë i lumtur i asaj nate, pasi po atë ditë shoqja e saj dhe Semit, ishte bërë nënë. Bora tha se ishte e lumtur që kishin përcjellë mesazhe të forta, jo vetëm dashurie, por edhe miqësie.