Lufta e Britney Spears me familjen e saj nuk tregon asnjë shenjë të ngadalësimit pasi i akuzoi ata se e trajtuan atë më keq se një i dënuar me vdekje. Superylli deklaroi gjithashtu se babai i saj duhet të jetë në burg për sjelljen e tij ndaj saj për më shumë se një dekadë.
Jeta e Britney kishte qenë nën kontrollin e kujdestarëve të saj ligjorë për 13 vjet. Kërkesa ligjore tani është shpërbërë, nëna e dy fëmijëve vitin e kaluar rifitoi autoritetin mbi pasurinë e saj. Por ajo ka vazhduar grindjen e saj me motrën Jamie Lynn që kur u publikua lajmi se ajo është e lirë.
40-vjeçarja pretendoi se motra e saj nuk bëri asgjë për ta ndihmuar dhe është e lënduar nga akuzat e mëparshme të bëra prej saj. Gjatë promovimit për autobiografinë e saj “Things I Should Have Said”, Jamie Lynn shpjegoi se motra e saj e mbylli atë në një dhomë me thikë ndërsa ajo shfaqte sjellje të çrregullt. Britney është hakmarrë duke e quajtur ‘llum’ në rrjetet sociale dhe u kthye mbrëmë me një goditje tjetër të zemëruar me familjen e saj. Në një postim që duket se fillimisht i drejtohej motrës së saj, ajo tha:
E di që keni punuar shumë për jetën që keni dhe ia keni dalë mrekullisht. Por, çfarë më bëri babi mua, ata nuk ua bëjnë këtë as kriminelëve, kështu që të rrish duarkryq dhe të sillesh plotësisht i përmbajtur ndaj asaj që më ka ndodhur mua është sinqerisht e papërgjegjshme për mua.
