I ftuar në maratonën e 100 këngëve më të bukura të vitit 2020 në “Top Albania Radio”, këngëtari i njohur, Stine pati mundësinë të urojë për festat e fundvitit. Ai uroi mbarësi e shëndet për të gjithë shqiptarët kudo ku ndodhen. Stine e përshkroi vitin 2020 si vitin më të vështirë të njerëzimit dhe uroj që mos të kthehet më kurrë një vit i tillë. I pyetur se ku do ta festojë këtë ditë të rëndësishme, Stine u shpreh se do e kalojë krahë familjes me bashkëshorten Gracielën, prindërit e saj, vajzën e tyre si dhe me disa miq. E veçanta e kësaj darke është se Stine tha se do të gatuajmë ne burrat për gratë. Albumi i ri është plani më i afërt për vitin 2021 i artistit. Ai tha se ka shumë kohë pa publikuar këngë të reja, kështu që ka ardhur koha ta bëjë një gjë të tillë. Një lajm i mirë ky për të gjithë fansat e këngëtarit!

I ftuar në maratonën e 100 këngëve më të bukura të vitit në “Top Albania Radio”, këngëtari i njohur, Shpat Deda i uroi të gjithë shqiptarëve një vit me sa më shumë mbarësi. Artisti thotë se e rëndësishme është të kemi shëndetin pasi të tjerat bëhen. Ai shpresoi që të gjithë të jenë shëndoshë e mirë duke qenë se ky vit nuk ishte i lehtë për askënd. I pyetur nëse do të ketë një këngë të re vitin e ardhshëm, këngëtari u shpreh se:

Vit i Ri, kësmet i ri

Albumi “Rrugës” i artistit u publikua përpara dy ditësh dhe u pëlqye mjaft nga ndjekësit. Shpati njoftoi se do të punojë për të sjellë sa më shpejtë videoklipet e këngëve të albumit të tij dhe ne mezi po presim! Ky album madje ka edhe një bashkëpunim!

I ftuar në maratonën e 100 këngëve më të bukura në “Top Albania Radio”, këngëtari i njohur dhe shumë i dashur për publikun, Ylli Limani uroi për festat e fundvitit shëndet për të gjithë. Duke qenë se hitet e tij janë të panumërta dhe dëgjohen kudo, artisti u shpreh se është ekstremisht i lumtur për këtë fakt pasi puna e tij dëgjohet dhe vlerësohet. I pyetur nga prezantuesi, Elios Shuli se cfarë i ka sjellur ky vit, artisti u shpreh se duke qenë se edhe koncertet mungonin koha ka qenë më e lirshme dhe ai e ka shfrytëzuar këtë mundësi në studio në përgatitje të projekteve të reja muzikore. Baladat dhe bashkëpunimet e reja janë gati dhe sipas Yllit do të publikohen në momentin e duhur. Qëllimet, planet, ëndrrat për këngëtarin u shuan gjatë pandemisë dhe e vetmja gjë që ai dëshiron është shëndeti pasi të tjerat vijnë dytësore. E pyetur gjithashtu nga prezantuesja, Ksenja Shoshaj nëse tek kënga “Buzët e kuqe” ku këngëtari ka bërë bujë të madhe, shfaq ndonjë anë xheloze të tijën, ai shprehet se është shumë xheloz por që jo gjithmonë e shfaq.

Nëse më mbetet hatrri unë e mbaj por më pas shpërthej, në këngë ose në një moment të papërshtatshëm.

Këngëtari i njohur, Young Zerka i ftuar në maratonën e 100 këngëve më të bukura të vitit 2020 në “Top Albania Radio”, uroi për të gjithë shqiptarët një vit me sa më shumë gëzim, lumturi dhe mbi të gjitha shëndet pasi lekët për artistin ikin e vijnë. Ai u shpreh se ky vit ka qenë i suksesshëm përsa i përket dy bashkëpunimeve të tij me këngëtaret e njohura, Argjentina Ramosaj-n dhe Fifi-n. Këto projekte muzikore njëra e titulluar “Pishman” dhe tjetra “Pagajle” kanë rezultuar goxha të sukseshme për të. Prezantuesja, Klodiana Vata e vuri në siklet këngëtarin duke i thënë se: “Lum si ti që ke gjetur dashurinë” dhe ai i është kthyer: “Lum si unë” pa dhënë detaje të tjera. Mos vallë ky është një pohim se tashmë Zerka e ka gjetur dashurinë? Si cdo fundvit përvec tryezës tradicionale me ushqimet e Vitit të Ri janë edhe ëmbëlsirat te cilat këngëtari nuk preferon t’i konsumojë. Por një përjashtim Zerka do ta bënte vetëm nëse do përgatitej siç e specifikoi ai nga “doçkat e mamasë”. Plani më i afërt në muzikë për vitin 2021 nga artisti është albumi i ri i cili po punohet në disa studio të ndryshme. Zerka e mbylli duke thënë që ky vit i vështirë për të gjithë të mos kthehet më kurrë. Mesazhi që ai dha është që të qëndrojmë sa më shumë pozitiv me njëri tjetrin!

Një lajm i trishtë për të gjithë fansat e këngëtares së njohur, Adelina Ismajli. “Diva” e muzikës shqiptare e ftuar në maratonën e 100 këngëve më të bukura të vitit 2020 nga “Top Albania Radio” tha se nuk do të ketë më një rikthim të sajin në muzikë. Ajo shpreson që ky vit shkatërrimtar të mos kthehet më kurrë dhe uroi për të gjithë që Viti i Ri të jetë sa më i mbarë e plot shëndet pasi të tjerat të gjitha bëhen. E pyetur se ku po i pret këto festa, Adelina tha se po i kalon në shtëpi me djalin dhe bashkëshortin e saj. Ndërkaq, Ismajli u shpreh se edhe xhirimet e emisionit të saj më të ri kanë mbaruar. Mesa duket ajo i është fokusuar totalisht moderimit dhe ka hequr dorë përfundimisht nga projektet e reja muzikore.