Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Bota

Ceremoni unike, 1824 dronë ofrojnë pamje spektakolare në Lojërat Olimpike! (Video)

Ceremonia e hapjes së Lojërave Olimpike ka qenë gjithmonë spektakolare dhe unike në llojin e saj. Në të janë pasqyruar historia e aktivitetit, por edhe traditat e vendit që i organizon, në këtë rast Japoni.  Një nga veçoritë në këtë vend është se janë të fiksuar pas risive teknologjike dhe e kanë treguar më së miri edhe gjatë shfaqjes.

Një nga momentet me spektakolare të ceremonisë ishte kur në qiellin e Tokios, mbi stadium, fluturuan 1824 dronë. Me një saktësi të jashtëzakonshme, ata ndriçuan qiellin mbi stadium me projeksione dritash duke krijuar rruzullin tokësor, për të ofruar një pamje spektakolare.

Më pas, këto dronë qëndruan mbi stadium duke ndriçuar gjithë natën në qytetin japonez, teksa këtë herë projektonin me radhë logot e disiplinave sportive që do të shfaqeshin gjatë aktivitetit.