Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Fashion

Çfarë është ‘Sandlercore’?!

Të jesh në gjendje të dukesh bukur tërë kohës, është pak e vështirë. Sidomos kur vijmë nga një periudhë karantine, që diçka e tillë bëhet akoma më e paarritshme.

Presioni për të dalë sa më shpejt nga ajo gjendje e mjerueshme na ka bërë që të harrojmë për të bërë gati trupin tonë për sezonin e verës.
Por për këtë nuk keni pse shqetësoheni, pasi trendi më i ri vjen me ndërthurjen e rehatisë dhe stilit.

Këtu hyn në lojë ‘Sandlercore’, që do të thotë të vishesh njësoj si Adam Sandler. Aktori i njohur i humorit nuk është se promovohet nëpër rrjete sociale për veshjen e tij apo të jetë në listat e ‘veshjeve më të bukura’.
Por nuk mund të mohohet stili unik që ai ka!

Veshja e tij karakteristike me syze dielli, pantallona të shkurtra basketbolli dhe një bluzë të gjerë me mëngë të shkurtra. E gjithë kjo prej disa adoleshentëve në rrjetin social “TikTok”, të cilët kanë shprehur se dëshirojnë të vishen njejtë si ai.

Moda ndryshon në mënyra misterioze. Një trend i ri që do të konsiderohet stil elegant, është diçka e cila nuk do t’ju shkonte kurrë ndër mend.
Këpucët e gomës dhe pantallona shumë të shkurtra do të marrin vëmendjen e të gjithëve, e për më tepër të meshkujve.

Por pse pikërisht Adam Sandler?!

Stili i tij ka ndryshuar shumë që prej kohës kur trend për të ishin bluzet e mëndafshta. Por fama që ai zotëron dhe stili i tij unik duket se do ta kthejnë Sandler në një ikonë të veshjeve për meshkuj.
Ai nuk ka komplekse në veshjen e tij, Adam preferon të zgjedhë të veshë çfarë ai dëshiron, pa u shqetësuar shumë se si mund të duket.

Jemi lodhur nga orët e tëra për të zgjedhur se çfarë të veshim, ndërsa tani kemi veshjen e përshtatshme, bluzë të gjërë të madhe, pantallona të shkurtra basketbolli dhe një kapele.