Nusret Gökçe siç dihet tanimë është një nga kuzhinerët më të famshëm në botë për shkak të stilit të tij të veçantë të hedhjes së kripës dhe përgatitjen e biftekut të shijshëm. Ai njihet si Salt Bae dhe u bë i famshëm disa vite më parë, pasi u bë virale një video që shfaqte metodën e tij të pazakontë të aplikimit të erëzave në biftek. Së fundmi, në një nga restorantet e tij ka qenë artistja e njohur shqiptare, Loredana. Këtë gjë e ka bërë të ditur vetë Nusret, i cili ka publikuar një foto në Instastory ku shihet së bashku me artisten.
Kujtojmë që pjatat në restorantet e Nusret janë jashtëzakonisht të shtrenjta, ku një biftek i mbuluar me ar në restorantin e tij në Londër kushton mbi 1,400 £. Rikujtojmë, se së fundmi kuzhinieri i njohur u padit nga punonjësit e tij për punë jashtë orarit dhe për paga të vogla. Sipas avokatit të paditësve, këta persona të gjithë shtetas turq, pasi u punësuan nga zyrtarët e kompanisë, iu kërkua të shkonin në Shtetet e Bashkuara për të punuar në restorantet me famë ndërkombëtare të biznesmenit të njohur.
Sidoqoftë, pasi mbërritën në Shtetet e Bashkuara dhe ranë dakord për një pagë fikse javore, ata u detyruan të punonin më shumë se 70 orë në javë pa u paguar për punën jashtë orarit. Ndër të tjera, ata thanë se “Nusret ishte agresiv në menaxhimin e restorantit, duke mallkuar shpesh punonjësit dhe duke i fajësuar ata për gabimet e punonjësve të tjerë.” Ndërkaq, ushqimet e Nusret-it preferohen së tepërmi dhe restorantet e tij frekuentohen nga njerëz të famshëm të botës, përfshirë aktorë e futbollistë.
Së fundmi, vlen të theksojmë se multimilioneri është përballur me një “lumë” kritikash nga ndjekësit e tij. Ai postoi në rrjetin e tij social Instagram një video teksa takon të ëmën pas dy vitesh. Nëna e tij jetonte në një shtëpi të thjeshtë dhe modeste, pavarësisht pasurisë që ka i biri.