Sipas një burimi të afërt me Kim Kardashian, “tensioni është ulur” midis saj dhe Kanye West, duke i lejuar ata të mbeten “miq të mirë” dhe të bashkë-prindërojnë për të mirën e katër fëmijëve të tyre.
Kim Kardashian dhe Kanye West ishin padyshim mishërimi i bashkë-prindërimit të përsosur deri ditën kur ata dolën së bashku pranë plazhit në Malibu. Takimi i tyre erdhi vetëm gjashtë muaj pasi ajo paraqiti kërkesën për t’u divorcuar nga bashkëshorti i saj prej gjashtë vitesh.
Vërtetë, nuk ishte hera e tyre e parë që shoqëroheshin që prej ndarjes. Kim dhe Kanye dukeshin sikur kishin një familje të madhe dhe të lumtur, teksa i çonin katër fëmijët e tyre në një muze arti në San Francisko gjatë muajit të kaluar.
Por tani, gjysmë viti nga ndarja e tyre, Kim dhe Kanye “më në fund ndihen sikur janë në të njëjtën faqe,” thotë një burim pranë themelueses të SKIMS ekskluzivisht për E! News.
“Ata me të vërtetë po shijojnë shoqërinë e njëri -tjetrit dhe duan të takohen herë pas here,” tregon burimi i brendshëm për daljet e tyre të fundit publike.
Tensioni është ulur dhe ata janë miq të mirë tani.
Në krye të takimeve të tyre në restorante dhe muzeume, Kim ka treguar gjithashtu mbështetje për reperin duke marrë pjesë në sesionet e tij të dëgjimit për albumin ‘Donda’ :
Kim ka qenë shumë mbështetëse për albumin e ri të Kanye dhe ai e vlerëson këtë gjë. Ai ka ndarë muzikën dhe idetë e tij me Kim që në fillim.
Gjithashtu, E! News tregon se Kim dëshiron të dëgjojë për projektet e tij të reja. Dhe kjo duket të jetë reciproke, duke pasur parasysh që Kanye luajti një rol të rëndësishëm në reklamimin e brand-it të saj KKW Beauty në muajin korrik duke i dhënë mendimin e tij gjatë gjithë procesit.
Ajo vlerëson krijimtarinë e tij dhe madje kërkon mendimin e tij për markat e saj. Dyshja kohët e fundit ka patur një komunikim “të shkëlqyer”. Ata me të vërtetë e duan njëri -tjetrin si miq. Gjithçka po funksionon mirë dhe ata janë të lumtur që mund t’i bëjnë gjërat së bashku si një familje e madhe tani, në vend që t’i mbajnë ato të ndara. Ata të dy duan që fëmijët të jenë në një situatë të shëndetshme.
Rikujtojmë se gjatë javës së kaluar, thashethemet u përhapën me shpejtësi se ai dhe Irina Shayk nuk takohen më bashkë pas dy muajsh së bashku.
