Bota Travel

CNN rendit Shqipërinë në një nga vendet që po vizitohet nga europianët më së shumti!

Gjiganti mediatik CNN vetëm dy orë më parë ka ndarë në llogarinë zyrtare në Instagram 7 vende që po vizitohen nga europianët më së shumti, duke dhënë krahas edhe një përshkrim e foton përkatëse për secilin vend.

Në mesin e vendeve si Francë, Portugali, Spanjë, Itali e Kroaci që njihen për turizmin e zhvilluar e vendet e mrekullueshme që ofrojnë për vizitorët, renditet dhe Shqipëria jonë e vogël, ku CNN ka zgjedhur të veçojë pikërisht Ksamilin.

Një pamje ajrore e një plazhi të bukur me rërë të bardhë në Ksamil, Shqipëri, tregon saktësisht se çfarë po tërheq më shumë europianët në këtë vijë bregdetare nën radar.

Para pak ditësh edhe prestigjiozja britanike “The Times” i ka dedikuar një artikull turizmit shqiptar, duke e renditur krahas Malin e Zi, Greqinë dhe Kroacinë.

Shqipëria ofron çmime të përballueshme për turistët por cilësia e shërbimeve mbetet ende dobët. Vendi nuk po e shfrytëzon kështu potencialin e plotë dhe aktualisht mund të konkurrojë Kroacinë apo Greqinë.

Ndryshe nga viti i shkuar, ku ishin shqiptarët nga rajoni që zunë peshën kryesore të turistëve të huaj në vend, shifrat e para të këtij viti tregojnë për një rizgjim të interesit nga ana e italianëve dhe grekëve, ndërsa janë afruar më të shumtë edhe vizitorët nga vende si Anglia apo Shtetet e Bashkuara të Amerikës.