Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Gossip Showbiz

Coldplay dhe BTS bëhen bashkë për “My Universe”!

Grupi britanik, Coldplay, ka konfirmuar bashkëpunimin e përfolur me superyjet e K-pop, BTS.

“My Universe”, që do të këndohet në gjuhën angleze dhe koreane, u shkrua nga grupet dhe u prodhua nga kompozitori e producenti suedez Max Martin, i cili ka punuar edhe me artistë të tjerë, përfshirë Britney Spears dhe Taylor Swift.

Kënga do të publikohet si single më 24 shtator dhe do të shfaqet në albumin e nëntë të ardhshëm të Coldplay, “Music Of The Spheres”.

Dy këngë janë lëshuar deri më tani nga regjistrimi: “Higher power” dhe “Coloratura” (10 minuta).

“Higher power” u shfaq për herë të parë në maj, me ndihmën e astronautit francez Thomas Pesquet, në bordin e Stacionit Hapësinor Ndërkombëtar (ISS).

Coldplay mori 28 nominime në “Brit Awards 2021” dhe fitoi nëntë çmime,

BTS, një nga grupet më të njohura dhe me ndikim në muzikën botërore, përbëhet nga RM, Jin, Suga, J-Hope, Jimin, V dhe Jungkook.

“Music Of The Spheres” do të dalë në treg më 15 tetor.