Botë e Çuditshme

Dëbora e rrallë dhe stuhi breshëri mbulojnë shkretëtirën saudite!

Si rrallëherë në histori, shkretëtira në Arabinë Saudite është mbuluar me borë dhe akull. Bora dhe akulli mbuluan dunat ndërsa temperaturat ranë nën zero, duke i detyruar vendasit të shijojnë motin dhe të luajnë ‘luftime’ me topa bore. Sauditët po mblidheshin në Jabal al-Lawz, i njohur ndryshe si Mali i Bajames, në rajonin veriperëndimor të Tabuk, ndërsa bora mbuloi zonën.

Çdo vit, njerëzit drejtohen drejt malit 2580 metra kur bie borë dhe ngrenë tenda dhe pikniqe për të shijuar motin e ftohtë. Ndërsa reshjet e borës në shkretëtirë janë të rralla, nuk janë të pamundura. Sistemet me presion të lartë të ajrit të ftohtë mund të lëvizin nëpër shkretëtirë, duke shkaktuar temperatura më të ulëta.

Anticiklone të tillë priren të arrijnë në Arabinë Saudite, duke lëvizur në drejtim të akrepave të orës nga Azia Qendrore, duke mbledhur lagështi gjatë rrugës, e cila ftohet për të formuar borë. Ndërkaq, në vendin tonë, ndërprerja e reshjeve të dëborës, mbrëmjen e djeshme ka bërë që të ulen ndjeshëm temperaturat në të gjithë Dibrën. Si pasojë e ngricave vijon të jetë e bllokuar Rruga e Arbrit. Policia ka vendosur postblloqe në Klos dhe në Bastar-Murrizë dhe detyron drejtuesit e mjeteve të marrin aksin e vjetër nga Burreli, deri një një njoftim të dytë.