Ekzistojnë disa metoda efektive që çdokush mund të përdorë për të pasur një shtëpi të ngrohtë gjatë gjithë dimrit dhe më e rëndësishmja, pa shpenzuar shumë para. “Bright Side” zbulon shtatë veprime që mund të bëni për të pasur një ambient të ngrohtë.
1.Mbuloni dyshemenë me tapet.
Tapetet mund të zvogëlojnë kostot e energjisë dhe rrjedhimisht emetimet e gazrave serrë pasi e mbajnë brenda nxehtësinë. Është më mirë nëse një dhomë mund të shtrohet me tapet nga muri në mur në mënyrë që humbja të jetë sa më e vogël. Jo vetëm kaq, por qilimat ju bëjnë ju dhe këmbët tuaja të ndiheni më të ngrohta, gjë që do t’ju pengojë të rrisni termostatin tuaj. Tapeti është zgjidhja më e mirë për të mbajtur këmbët ngrohtë gjatë sezonit të ftohtë të vitit. Do të ishte një ide e mirë nëse do ta mbulonit të gjithë sipërfaqen e dyshemesë me të, sepse do të kishit më shumë mundësi për të kursyer para.
2.Vendosni letër alumini pas kaloriferëve.
Kaloriferët e ngjitur pas një muri, shpesh e humbasin nxehtësinë sepse ajo thithet nga muri i ftohtë. Zgjidhja për ta shmangur këtë është duke aplikuar letër alumini në mur, në mënyrë që nxehtësia të mos largohet. Letrën e aluminit që keni në kuzhinë mund ta përdorni vetëm nëse ka një cilësi shumë të mirë, në të kundërt, mund të blini një fletë metalike të krijuar posaçërisht për këtë qëllim.
3.Vendosni mbështjellësin me flluska plastike në dritare.
Mbështjellësi me flluska është një metodë e mirë për të bllokuar të gjitha hapësirat në dritare nga të cilat mund të futet ajri. Gjithçka që ju nevojitet është një palë gërshërë dhe një ngjitës. Rekomandohet që të blini mbështjellës me flluska të mëdha, sepse do të lejojnë më shumë dritë të hyjë në shtëpinë tuaj.
4.Instaloni rafte sipër kaloriferëve tuaj.
Nëse keni tavane shumë të larta ose kaloriferi juaj është vendosur nën nivelin e një dritareje, një raft do t’ju ndihmojë për të ruajtur më shumë nxehtësi brenda shtëpisë. Në vend që nxehtësia të shkojë në majë të tavanit, ajo do të godasë raftin dhe do të ndryshojë drejtimin. Në rastin kur kaloriferi është poshtë një dritareje me perde të gjata, nxehtësia zakonisht bllokohet midis dritares dhe perdeve.
5.Rregulloni freskueset e tavanit që të rrotullohen në drejtim të akrepave të orës.
Është jetike që gjatë muajve të ftohtë të vitit të ndryshoni rrotullimin e ventilatorëve të tavanit në drejtim të kundërt të akrepave të orës. Ky ndryshim i vogël mund t’ju kursejë deri në 10% të kostove për ngrohje.
6.Instaloni një fshirëse dere.
Është shumë i lirë dhe i lehtë për t’u instaluar dhe mund ta prisni në bazë të gjatësisë së derës suaj. Do t’ju duhen vetëm 4-5 vida për ta fiksuar në vend dhe era e ftohtë nuk do të mund të hyjë brenda.
7.Mbështillni tubat për të parandaluar ngrirjen e tyre.
Tubat mund të thyhen nëse temperaturat arrijnë në nivele shumë të ulëta. Mbështjellja e tubave me diçka të thjeshtë, siç janë gazetat, mund të parandalojë shpërthimin e tyre.
