Një grua thotë se ka zgjedhur të jetojë në majë të një mali vullkanik për një muaj, me shpresën që të vendosë rekord botëror dhe të frymëzojë gratë që të testojnë forcën e tyre mendore. Perla Tijerina, nga Meksika, sapo ka kaluar një javë duke jetuar mbi 5630 metra mbi nivelin e detit, në malin më të lartë të Amerikës Latine, Pico de Orizaba.
31-vjeçares do t’i duhet të mbijetojë ndaj erërave të forta, stuhive dhe hipotermisë.
Më pëlqen të testoj forcën time mendore. I kam vendosur një sfidë vetes, që e quaj “gruaja që ngrihet”. Dua të jetoj 32 ditë në mal. Psikologu më tha se jam gati për gjithçka dhe më paralajmëroi se gjëja më e vështirë do të jetë qëndrimi në vetmi për një muaj.
Megjithatë, para se të fillonte sfidën, ajo iu nënshtrua kontrolleve mjekësore dhe do të kontrollohet vazhdimisht për të mbajtur të sigurta gjurmët e oksigjenit dhe presionit të gjakut.
Ndërkaq, për ta luftuar vetminë, Perla ka marrë me vete shumë libra dhe gjithashtu mediton.
