Me datë 24 nëntor, Marina Vjollca dhe Getoar Selimi u bënë për herë të parë prindër. Çifti u bekua me një vajzë, të cilën e bekuan me emrin Marget (nga bashkimi i emrave, Marina dhe Getoar). Prej shumë kohësh ishte përfolur një shtatzëni e prezantueses bukuroshe deri sa pritja mori fund.
Marina u shfaq në ekran deri ditët e fundit të shtatzënisë dhe u rikthye menjëherë pas lindjes duke mos lënë pas pasionin e saj për televizionin. Mirëpo, si çdo mama “zemrën e ka lënë në shtëpi” te e bija dhe këtë na e ka treguar më së miri sot. Pak më parë, teksa na tregoi se ishte në dhomën e grimit duke u bërë gati për spektakël, bukuroshja na tregoi se po shikonte Marget nga kamerat e vendosura në shtëpi të bëra për këtë gjë.
Duke u bërë gati për xhirime dhe duke ruajtur picirruken
Një ditë pas ardhjes në jetë të Marget, teze Luana reagoi me një shkrim në Instastory teksa u shpreh se është “ndjesia më e bukur në botë”.
Disa ditë para se Marina të bëhej mama, ajo dhe Luana ndanë disa foto shumë të ëmbla së bashku, teksa kjo e fundit u shfaq duke prekur barkun e rrumbullakosur të Marinës.