Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Bota

Do vijë një pandemi e re, më e tmerrshme! Tmerron krijuesja e vaksinës

Me thirrjen që bota të jetë më e përgatitur, shkencëtarja që krijoi vaksinën anti-Covid të Oxfordit dhe AstraZeneca-s ka paralajmëruar se pandemia e ardhshme mund të jetë “më vdekjeprurëse”.

Sarah Gilbert tha se duhen nxjerrë mësime nga situata e koronavirusit. “Kjo nuk do të jetë hera e fundit që virusi do të kërcënojë jetën tonë. E vërteta është që, pandemia e ardhshme do të jetë më e keqe.

Mund të jetë më ngjitëse ose më vdekjeprurëse, ose të dyja së bashku”, tha Gilbert. “Përparimet që kemi bërë dhe njohuritë që kemi fituar, nuk duhet t’i humbasim”, shtoi ajo.

Vaksina e prodhuar nga Universiteti i Oxfordit dhe kompania AstraZeneca ishte e para kundër koronavirusit që fillimisht u miratua për përdorim në Mbretërinë e Bashkuar dhe aktualisht përdoret në mbi 170 shtete të botës.

Për shkak të rolit të saj në zbulimin e vaksinës, Gilbert është nderuar nga Mbretëresha Elizabeth II e cila ia ka ndarë titullin Damë.

Ajo ka punuar në prodhimin dhe testimin e vaksinave për më shumë se një dekadë, kryesisht duke përdorur antigjenët nga malaria dhe gripi dhe nisi projektin për prodhimin e vaksinës kundër koronavirusit në fillim të vitit 2020, pasi virusi u shfaq në Kinë në fund të vitit 2019.