Ndonëse nuk i mungojnë fondet për fushatat e tij politike, Donald Trump është informuar zyrtarisht se nuk do të marrë asnjë dollar nga ish-gruaja e tij, nga testamenti përfundimtar i Ivanës. Leximi i testamentit u bë të premten, ndërsa spekulimet morën fund se Donald Trump do të përfitonte disi financiarisht nga vdekja e ish-partneres së tij.
Është interesante se pasuria 34 milionë dollarëshe e Ivana Trump u nda midis fëmijëve, miqve dhe organizatave bamirëse të saj, të cilave ajo ishte aktiviste. Pas ndarjes nga jeta në korrik në moshën 73-vjeçare, testamenti i Ivanës ka qenë një temë e nxehtë në media. Pjesa më e madhe e aseteve financiare u nda mes tre fëmijëve që Ivana pati gjatë martesës me ish-presidentin e Shteteve të Bashkuara.
Ivanka, Don Jr dhe Eric Trump do të marrin të gjithë pjesë të barabarta të pasurisë së saj, megjithëse një apartament në Miami që mendohet të jetë me vlerë 1.1 milion dollarë i është lënë një ish-dadoje, Dorothy Curry. Curry-t iu la edhe qeni i Ivanës, Tiger. Fondet e tjera të fituara nga shitja e bizhuterive dhe peliçeve të saj do t’u kalohen tre fëmijëve të lartpërmendur.
Kryqi i Kuq Amerikan dhe Ushtria e Shpëtimit do të marrin donacione të konsiderueshme në formën e veshjeve. Testamenti i Trump u shkrua dhe u ndryshua për herë të fundit në vitin 2019, tre vjet para se ajo të ndërronte jetë përfundimisht. Vdekja e Ivanës përfundimisht u cilësua si një aksident pasi ajo u rrëzua në korrik.
Burri i saj i fundit vdiq në 2021, dhe ai ishte në testament dhe duhej të merrte një pronë në Francë, po të ishte gjallë. Kjo tani do të shitet dhe do t’i shtohet vlerës së pasurisë së ndarë mes tre fëmijëve të Ivanës.
