Shërbimi Meteorologjik Ushtarak njofton se ditën e sotme, vendi ynë do të vijojë të ndikohet nga kushte atmosferike relativisht të paqëndrueshme. Fillimisht, moti parashikohet i kthjellët. Por duke nisur nga orët e mesditës e deri pasdite ka shtim të vranësirave që pritet të pasohen nga reshje shiu me intensitet të ulët, si fillim në veriperëndim e jugperëndim e më pas do të shtrihen në pjesën më të madhe të territorit shqiptar.
Në mesditë e pasdite, në veriperëndim dhe pjesërisht në qendër, reshjet e shiut do të jenë me intensitet mesatar e hera-herës të lartë në formën e shtrëngatave afatshkurtra, shoqëruar me shkarkesa elektrike e lokalisht breshër. Në pjesën tjetër, reshjet paraqiten me intensitet të ulët deri mesatar, hera-herës shoqëruar me shkarkesa elektrike e lokalisht breshër.
Mjegullinë dhe shikim të reduktuar pati në orët e para të mëngjesit, si dhe në momentin e reshjeve të shiut. Era fryn me drejtim juglindje-jugperëndim e me shpejtësi mesatare 1-8 m/sek ndërsa në lugina, male e përgjatë vijës bregdetare, si dhe në momentin e zhvillimit të vranësirave, era fiton shpejtësi 14-16 m/sek, shoqëruar me valëzim në dete të forcës 2-4 ballë.
Temperaturat parashikohen:
Shkodër
19/31
Diell re shi
Kukës
17/27
Diell re
Lezhë
20/30
Diell re shi
Dibër
15/29
Diell re shi
Durrës
19/31
Diell re shi
Tiranë
20/32
Diell re shi
Elbasan
19/32
Diell re
Berat
19/33
Diell re
Vlorë
19/30
Diell re shi
Korçë
13/30
Diell re
Gjirokastër
18/33
Diell re shi
Sarandë
20/31
Diell re shi
