Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Aktualitet

Dritan Hoxha nderohet me titullin Doctor Honoris Causa nga Universiteti “Marin Barleti”!

Themeluesi i Top Media-s, Dritan Hoxha u vlerësua me titullin Doctor Honoris Causa nga Universiteti “Marin Barleti”. Një nderim i merituar për sipërmarrësin që bëri histori në kontributin e fjalës së lirë e të pacensuruar dhe që hyri në histori si i papërsëritshmi i inovacionit e ideve vizionare.

Titulli iu dha me motivacionin:

Për kontribut të shquar në digjitalizimin e medias audiovizive dhe si pioner që revolucionarizoi dhe transformoi komunikimin duke respektuar fjalën e lirë.

Siç theksoi Prof.Dr. Suzana Guxholli, rektore e Universitetit “Marin Barleti”, “Dritan Hoxha arriti të bëjë realitet ëndrrën e tij të madhe në shërbim të fjalës së lirë e të një mënyre të re komunikimi, si dhe në hapjen e një epoke dixhitale në botën e medias shqiptare”.

Shembuj si Dritan Hoxha janë ata që ndërrojnë kulturën dhe prijnë industrinë, prandaj një nderim i tillë për njeriun që nëpërmjet krijesës së tij ndryshoi shoqërinë shqiptare është një sukses për të gjithë Top Media-n.

Në emër të familjes Hoxha, vlerësimin e tërhoqi gazetari Denis Dyrnjaja:

Eshtë kënaqësi e jashtëzakonshme për mua, gjithashtu privilegj që të tërheq këtë titull në emër të familjes Hoxha e që të shpreh falenderimin e mirënjohjen e saj. Eshtë një titull që ndoshta duhet të ishte më i parakohshëm, sepse meritat për këtë njeri janë të jashtëzakonshme për atë që krijoi në Shqipëri, për atë që na ka krijuar ne në të gjitha dimensionet, jo vetëm në të biznesit e medias, por edhe në dimensionin kulturor, në hapësirat mbarëshqiptare.

Nëse Tani do ishte këtu vetë do të thonte që ky është çmimi i Top Media-s. Ai ishte njeri shumë modest, e ndante suksesin me të tjerët, me ne që ishim pjesë e familjes së tij. Topi nuk është më i imi, por i shqiptarëve. Kështu që mjaftojnë vetëm këto fjalë për të kuptuar dimensionet e këtij njeriu të jashtëzakonshëm që ishte një nder për ne që punuam dhe gëzojmë emrin e Top Media-s: Top Channel, Digitalb e Top Albania Radio, e cila ishte pema e parë ku lindi e gjithë kjo familje mediatike.

Denis Dyrnjaja e përfundoi me një falenderim të veçantë:

Veçoj edhe një falenderim nga presidentja e kompanisë Top Media, Znj. Vjollca Hoxha për nderimin jo vetëm të bashkëshortit të saj, por të një figure si Dritan Hoxha. Faleminderit të gjithëve!