Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities

Dua Lipa në konferencë për shtyp, së shpejti një cover në shqip!?

Duke folur shqip në një mënyrë mjaft të këndshme, këngëtarja me famë botërore, Dua Lipa, në një konferencë për shtyp me kreun e Bashkisë së Tiranës, Erion Veliaj, tregoi më shumë për planet e saj në muzikë.

Dukagjin Lipa: Kënaqësi të jemi këtu me ftesën e kryetarit, që e konsideroj mik personal, që në 2016 kemi bashkëpunuar, ne jemi proces të hapjes në Prishtinë të një fondacioni ku artistë e rinj do kenë mundësi të eksplorojnë aftësitë e tyre, urojmë ta kemi një të tillë edhe në Tiranë ndoshta në 2022. Ishte kënaqësi që Sunny Hill Foundation të jetë pjesë e saj.

Dua Lipa: Unë mburrem shumë që kam mundësinë me qen këtu, për të ndihmuar me çdo gjë mundem sidomos për shqiptarët që më kanë suportuar shumë, kështu që më bëhet shumë qejfi të jem këtu.

Cilët do jenë artistët në Sunny Hill?

Dua Lipa; Për cdo vit kemi artistë internacionale dhe shqiptarë. Nuk mund ta them kemi qejf ta mbajmë sekret është surprizë e madhe. Do jetë festival 4 ditor,

Po klip në Shqipëri?

Dua Lipa: Po ndoshta e zgjat vizitën për të parë më shumë vende, për klip nuk e di kisha menduar me qejf.

Pse jo këtë vit koncerti?

Dua Lipa: Secili artist dhe shtet i kanë rregullat e veçanta dhe organizimi bëhet më i vështirë.
Kemi bërë një kërkesë për hapësirë tjetër për festivalin, për shkaqe të pandemisë dhe emrat që kemi , sigurimet e tyre , pa lejen e qeverisë për tubime masive nuk është e lejueshme, dhe Kosova nuk e ka në ligj ende tubimet masive.

Këngë në shqip ?

Dua Lipa: Ndoshta një cover , do kisha shumë qejf të provoja pse jo

E kam shumë ëndërr që në krejt botën të ndryshojmë stigmën për Kosovën dhe Shqipërinë që të ecim para dhe e marr me shumë seriozitet këtë punë.

Me festivalin “Sunny Hill” paratë që merreni shkojnë në festivale të ndryshme dhe bamirësi. Duam të hapim një qendër arti në Prishtinë. Kena shumë ide dhe ëndrra dhe jemi të motivuar të punojmë, kjo nuk është gjëja e parë dhe e fundit.

Koncerti në Tiranë?

Surprizë , po diskutojmë.

Si ja dilni të jeni me këmbë në tokë?

Dua Lipa: Familja dhe shoqnia, ajo që bëj unë si punë është ëndrra ime, është gjëja që më lumturon më së shumti, po kush jam unë shpi jam veç Dua.

E ndjek muzikën shqiptare?

Për muzikën shqiptare , e ndjek.

Kur është kënga e radhës?

Këngë të reja i kam gati për muajt që vijnë, shpresoj të pëlqehen.