Mbretëresha ka mbërritur në Parlamentin e Uellsit duke përdorur një shkop mbështetës, për një herë të dytë brenda një jave. Madhëria e saj po vizitonte Parlamentin Uellsian në Cardiff me djalin e saj Charles, Princin e Uellsit dhe gruan e tij Camilla, Dukeshën e Cornwall.
Ajo kishte veshur një pallto rozë të cilën e kishte kombinuar me një kapele dhe nuk kishte maskë teksa shtrëngonte duart me personalitetet.
Në dorën e saj ishte një shkop mbështetës me të cilin ajo u pa për herë të fundit duke e mbajtur dy ditë më parë në një shërbim për të shënuar 100 vjetorin e Legjionit Mbretëror Britanik.
Para kësaj Mbretëresha, u pa për herë të fundit në publik duke përdorur të njëjtin mjet për ecje në janar të vitit 2004, kur ajo u mbështet në të për ta ndihmuar në ecjen e saj pas një operacioni në gju.
Ndërkohë, të martën Madhërisë së saj iu dha shkopi pasi doli nga limuzina e saj shtetërore, dhe dukej se po lëvizte lirshëm teksa shkonte në vendin e saj për fillimin e shërbimit. Mbretëresha Elizabeth dhe vajza e saj Anne iu bashkuan një mbledhjeje që përfaqësonte ato që organizata mbështet, përfshirë shërbimin e anëtarëve të forcave të armatosura, veteranëve dhe familjeve të tyre. Gjithashtu të pranishëm ishin anëtarët e bamirësisë, mbështetësit, stafi dhe vullnetarët, si dhe përfaqësues nga një sërë organizatash dhe qeverish të komunitetit dhe partnerëve.
