Policia e Londrës ka humbur besimin e publikut për shkak të racizmit, mizogjinisë dhe homofobisë së thellë, sipas një rishikimi të pavarur të porositur pasi një grua e re u përdhunua dhe u vra nga një oficer në shërbim. Shërbimi i Policisë Metropolitane, i cili ka më shumë se 34,000 oficerë dhe është forca më e madhe policore në Britani, duhet të “ndryshojë veten” ose të rrezikojë të shpërbëhet, thuhet në raportin e publikuar të martën. Louise Casey, një eksperte për të drejtat e viktimave dhe mirëqenien sociale që udhëhoqi shqyrtimin, u shpreh:
Nuk është detyra jonë si publik të mbrohemi nga policia. Është detyra e policisë të na mbajë të sigurt si publikun. Shumë londinez tani kanë humbur besimin në policinë për ta bërë këtë.
Gjetjet rrisin presionin për një rishikim të madh të Policisë Metropolitane pas një sërë skandalesh që përfshijnë trajtimin e saj ndaj grave dhe pakicave. Në një raport paraprak të lëshuar në tetor, Kejsi zbuloi se departamenti kishte dështuar të verifikonte dhe trajnonte siç duhet oficerët dhe kishte lejuar oficerët të qëndronin në punë edhe pasi ishin akuzuar për abuzim në familje ose ngacmim racor.
Një pjesë e problemit është se ekziston një kulturë e mohimit në departament, me drejtuesit që adoptojnë një qëndrim “ne e dimë më mirë” që i shtyn ata të shkarkojnë kritikët e jashtëm, zbuloi rishikimi. Shkurtimet e financimit, së bashku me vendimin për të mbyllur stacionet e policisë lokale dhe për t’i dhënë fund efektivisht policimit në komunitet, kontribuojnë gjithashtu në situatën. Në themel të gjithë kësaj qëndron mënyra sesi menaxhohet forca, jo madhësia e saj, zbuloi hetimi.
‘Met’ drejtohet si një grup pjesësh lëvizëse të shkëputura dhe konkurruese, të cilave u mungojnë sisteme, qëllime ose strategji të qarta. Ajo bazohet në një sërë nismash të pakoordinuara dhe jetëshkurtra, të gjata në aktivitet, por të shkurtra në veprim.
Njëzet e katër vjet pasi një hetim tjetër zbuloi se racizmi institucional ishte një faktor kyç në arsyen pse ‘Met’ nuk arriti të hetonte vrasjen e adoleshentit me ngjyrë Stephen Lawrence, “Casey Review” theksoi faktin se:
Departamenti është ende në mënyrë disproporcionale të bardhë dhe mashkull.
Rreth 17% e policëve të Londrës janë të zinj, aziatikë ose të racës së përzier, krahasuar me rreth 10% një dekadë më parë, sipas statistikave më të fundit të departamentit. Gratë përbëjnë pothuajse 31% të oficerëve të policisë, nga pothuajse 25% në 2013. Rreth 40% e popullsisë së Londrës është e zezë, aziatike ose e përzier, sipas regjistrimit të vitit 2021. Raporti gjeti bullizëm të përhapur në departament, me një në pesë anëtarë të stafit që kanë karakteristika të mbrojtura, të tilla si raca, seksualiteti ose paaftësia, duke qenë viktima.
Oficeret dhe stafi femra përballen në mënyrë rutinore me seksizëm dhe mizogjini.
