Asus ka lançuar së fundmi Zenbook 17 Fold OLED, një laptop me një ekran të palosshëm. Pajisja ka një ekran OLED me prekje 17.3 inç të palosshëm. Kompania thotë se ekrani me prekje paloset në një madhësi kompakte 12,5 inç, duke e bërë atë më të vogël se një fletë letre fotokopjuese për ta mbajtur në çantë.
Laptopi pritet të dalë në treg për një çmim prej 3,499 dollarësh. Zenbook 17 Fold OLED u jep përdoruesve dy madhësi të ekranit OLED në një pajisje, një ekran të madh me prekje 17,3 inç 2,5K që paloset në mes. Kur mbyllet plotësisht, është një pajisje portative 12,5 inç që është më e vogël se një fletë letre fotokopjuese.
‘Pajisja futuriste’, e lançuar në IFA Berlin së fundmi, ka një ekran me prekje të palosshme 17,3 inç që mund të ndahet në ekrane të ndryshëm. Kur shpaloset, përdoruesit mund ta ndajnë gjithashtu ekranin në segmente që secili shfaq aplikacione të ndryshme për shembull, Excel, Outlook dhe Google Chrome. Zenbook 17 Fold OLED u zbulua për herë të parë në janar në CES 2022 në Las Vegas, por Asus e ka lançuar zyrtarisht pajisjen në IFA Berlin.
Ndërkaq, drita blu është një komponent mbizotërues i pajisjeve që lëshojnë dritë, të cilat janë gjithnjë e më të pranishme në mjedisin tonë. Tashmë ka prova të grumbulluara që ekspozimi ndaj dritës blu shkakton dëmtim të qelizave të retinës. Megjithatë, dihet shumë më pak për efektet e mundshme të dritës blu në qelizat jo-retinale.
Në një studim të ri, studiuesit në Universitetin Shtetëror të Oregonit hetuan efektet e ekspozimit ndaj dritës blu përgjatë jetëgjatësisë së mizës së frutave (Drosophila melanogaster) një organizëm model i rëndësishëm për shkak të mekanizmave qelizor dhe të zhvillimit që ndan me kafshët dhe njerëzit e tjerë dhe zbuluan se ndjeshmëria ndaj stresit të dritës blu varet shumë nga mosha.
