Botë e Çuditshme Love & Sex

E pazakontë/Vijnë në jetë binjakët me 15 minuta diferencë por të lindur në vite të ndryshme!

Kanë vetëm 15 minuta diferencë nga njëri-tjetri, por kanë lindur në ditë, muaj, madje në vite të ndryshme. Kjo është historia e Alfredo Antonio Trujillo dhe Aylin Yolanda Trujillo, të cilët erdhën në jetë gjatë ndërrimit të viteve. Vëllai lindi në orën 23:46 minuta, më 31 dhjetor 2021, ndërsa motra e tij erdhi në jetë në orën 00:01 të 1 janarit 2022 në një spital në Kaliforni.

Në SHBA vijnë në jetë afërsisht 120 mijë binjakë, por mundësia që ata të lindin në vite të ndryshme është një në dy milionë. Fatima Madrigal, nëna fatlume që i solli ata në jetë u shpreh se:

Për mua është çmenduri që ata janë binjakë dhe e kanë ditëlindjen në vite të ndryshme.

Mjekja Ana Abril Arias nga ana tjetër u shpreh se:

Ky është një nga momentet më të paharrueshme të karrierës sime. Ishte një kënaqësi e vërtetë t’i ndihmoja këta binjakë të vinin në jetë shëndoshë e mirë në vitin 2021 dhe vitin 2022. Çfarë mënyre fantastike për të nisur vitin e ri.

Rikujtojmë, se në vendin tonë, engjëlli i parë i ardhur në jetë për këtë vit është një djalë i pagëzuar me emrin Akid. Vetë mjeku ka folur lidhur me lindjen e parë të këtij viti. Edhe vetë Ministrja Ogerta Manastirliu u gjend në maternitet, ku teksa shpërndau çekun e bebes për të porsalindurit, u shpreh me disa fjalë zemre. Klikoni në këtë link për të zbuluar më shumë.