Zayn Malik pozon pa këmishë duke treguar tatuazhet e tij në shpinë në një postim të rrallë gjashtë muaj pas ndarjes së tij tronditëse nga Gigi Hadid. Ish-këngëtari i “One Direction” nuk përfshiu një mbishkrim në foto, por shpejt u përmbyt me mesazhe nga fansat e shqetësuar. Njëri prej fansave komentoi:
Të duam shumë! Shpresoj të jesh mirë.
Ndërsa një tjetër shtoi:
Mezi pres për muzikë të re.
Këngëtari publikoi albumin e tij të fundit “Nobody Is Listening “ më shumë se një vit më parë në janar të vitit 2021, por ai arriti vetëm numrin 17 në tabelën në Mbretërinë e Bashkuar. 29-vjeçari u nda nga modelja Gigi Hadid, me të cilën ndan vajzën e vogël Khai, në tetor.
Ndarja erdhi pasi Zayn u akuzua se kishte goditur nënën e Gigi-t, Yolanda Hadid. Yolanda Hadid pretendoi se i dashuri i vajzës së saj e goditi atë, një pretendim që muzikanti e mohon me forcë. Ai lëshoi një deklaratë duke thënë:
Unë e mohoj me vendosmëri sulmin e Yolanda Hadid dhe për hir të vajzës sime refuzoj të jap çdo detaj të mëtejshëm dhe shpresoj që Yolanda do të rishqyrtojë akuzat e saj të rreme dhe do të shkojë drejt shërimit të këtyre çështjeve familjare në mënyrë private. Siç e dini të gjithë, unë jam një person privat dhe dua shumë që të krijoj një hapësirë të sigurt dhe private që vajza ime të rritet.
