Psikologia klinike Dr.Samantha Rodman Whiten së fundmi ka folur se çfarë zakonisht ndodh me çiftet kur koha kalon. A ka ndryshime në sjelljet e tyre?! Për më shumë, Rodman shprehet: “Nëse marrëdhënia juaj po shkon mirë dhe ju jeni duke pyetur veten për të ardhmen e saj dhe jeni duke kërkuar mënyra për të zgjidhur problemet tuaja, këtu janë disa çështje kyçe që duhet të diskutoni me partnerin tuaj”.
Në një artikull Whiten specifikon disa fraza të meshkujve për partneret e tyre si “Ajo nuk duket më e interesuar për mua”.
Kjo frazë e veçantë mund të përkthehet nga shumë njerëz vetëm si një ankesë ‘seksuale’, por ajo prek më shumë pjesë të jetës së një çifti. Janë të paktë meshkujt që e kanë inatin që gratë e tyre nuk tregojnë më asnjë interes për ta. Të shumtë janë ata që thonë se grave të tyre as që do t’u interesonte nëse do të kishin një lidhje tjetër, pasi atyre u intereson vetëm formaliteti në detyrimet financiare dhe familjare që kanë të bëjnë me fëmijët.
Fraza tjetër është “Ajo është gjithmonë në ankth për fëmijët”.
Për më shumë se gjysmë ore të seancave, meshkujt ankohen për stresin e tepërt të partnereve të tyre për fëmijët.
Fraza tjetër është “Nuk po argëtohemi më. Gjithmonë ka një nxitim”.
Në shoqërinë e sotme gratë ndiejnë një presion të jashtëzakonshëm për të bërë gjithçka siç duhet. Prindërimi, karriera, marrëdhëniet, miqësitë, hobi dhe shumë më tepër. Bazuar në këtë është e lehtë të kuptohet pse një grua mund të ndjejë vazhdimisht presion dhe stres. Nëse kësaj i shton edhe një bashkëshort që pyet vazhdimisht ‘pse’ dhe i hedh më shumë ‘benzinë zjarrit’, arsyeja pse ka humbur argëtimi në jetën tuaj të përditshme është e qartë.
Fraza tjetër është “Ajo nuk kujdeset më për veten”.
Kjo ankesë mund të mos shprehet hapur, por qëndron në thelbin e shumicës së bisedave që kam me çiftet. Shumë meshkuj, sidomos ata që i kushtojnë shumë rëndësi pamjes së jashtme, zhgënjehen nëse partnerja e tyre nuk fokusohet shumë në kujdesin për trupin dhe pamjen e saj. Kjo ka të bëjë shumë me ankesën e parë, pasi ata besojnë se nëse një grua nuk kujdeset për veten dhe imazhin e saj, nuk i intereson mendimi i tyre dhe i injoron. Pas një shtatzënie ose në mes të jetës së përditshme, gratë shpesh nuk i intereson shumë se si duken, pasi prioritetet e tyre janë të ndryshme. Burrat duhet të tregojnë mirëkuptim dhe të kontribuojnë për ta bërë më të mirë jetën e përditshme për të gjithë familjen.
