Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Bota

EMA: Ka një lidhje midis rasteve të mpiksjes së gjakut dhe vaksinës Johnson & Johnson!

Ekspertët e Agjencisë Evropiane të Barnave, EMA deklaruan ditën e sotme se ekziston një “lidhje e mundshme” midis vaksinës së Johnson & Johnson dhe rasteve shumë të rralla të mpiksjes së gjakut, duke theksuar se përfitimet e vaksinës vazhdojnë të tejkalojnë rreziqet.

Rastet ishin të ngjashme me rato të shkaktuar nga vaksina e Astra-Zenecas, pasi të dyja vaksinat janë krijuar duke përdorur një adenovirus.

“Kombinimi i raportuar i mpiksjes së gjakut dhe zvogëlimit të numrit të trombociteve të gjakut është shumë i rrallë dhe përfitimet e përgjithshme të vaksinës anti-COVID  të Janssen (Johnson & Johnson) në parandalimin e COVID-19 tejkalojnë rreziqet e efekteve anësore”, tha  EMA në deklaratën e saj.

Javën e kaluar Johnson & Johnson ndaloi shpërndarjen në Europë pasi zyrtarët amerikanë këshilluan pezullimin e përkohshëm të vaksinës, kur u përballën me gjashtë raste të mpiksjes së gjakut në rreth 7 milionë njerëz të vaksinuar. Zyrtarët evropianë thanë se morën në konsideratë të gjitha provat nga SHBA, ku përfshihej edhe një vdekje.

BE ka porositur 200 milionë doza të Johnson & Johnson për vitin 2021 teksa ekspertët rekomandojnë që në etiketën e vaksinës të shënohet qartë se ka efekte të rralla anësore që shkaktojnë trombozë apo mpiksje gjaku.