Celebrities Gossip Showbiz

Ende pa u bërë 24 orë nga publikimi, Elvana Gjata dhe Dhurata Dora ‘korrin’ një super sukses me këngën e re!

Tanimë që jemi kaq pranë verës, artistët sigurohen që të sjellin këngë verore që do të dëgjohen kudo. E në një ‘garë’ të tillë padyshim që dy janë më mirë se një, këngëtarët bëhen bashkë. Mund të themi që kjo verë do të jetë vera e bashkëpunimeve, pasi deri më tani shumë artistë kanë publikuar bashkëpunimet e tyre dhe shumë të tjerë kanë lajmëruar se do të lansohen shumë shpejt.

Së fundmi dy nga këngëtaret shumë të njohura dhe të dashura për publikun kanë bashkuar forcat në një super bashkëpunim dhe janë pikërisht Dhurata Dora dhe Elvana Gjata. Dy bukuroshet publikuan mbrëmjen e djeshme ‘Gajde’ që pa bërë ende 24 orë nga publikimi duket se po pëlqehet shumë nga ndjekësit. Në vetëm kaq pak orë nga lansimi i surprizës, ka arritur mbi 1 milion klikime në platformën YouTube.

Elvana vazhdon që të jetë mjaft aktive në muzikë ku herë pas here vjen me projekte të reja, bashkëpunime apo solo. Gjithashtu ajodhurat është mjaft e angazhuar edhe duke dhënë koncerte të shumta apo duke performuar në clube-t më në zë, jo vetëm në Shqipëri.

Kujtojmë se Dhurata ka ripostuar në ‘Instastory’ suksesin e një prej këngëve të saj që është bashkëpunimi me reperin e famshëm ndërkombëtarisht Soolking. ‘Zemër’ është padyshim një super hit që edhe pse ka tre vite nga publikimi sërish vazhdon të rritet me klikime dhe së fundmi ka arritur 700 milion klikime. Këtë e ka bërë me dije vetë Dhurata me një postim në ‘Instastory’, ku dhe ka lajmëruar se mund të sjellë një tjetër bashkëpunim me reperin.