Një video e publikuar së fundmi e Justin Bieber dhe bashkëshortes së tij, Hailey, u bë virale në rrjetet sociale dhe fillimisht në “TikTok”. Pas kësaj, të shumtë ishin njerëzit që akuzuan Justin për sjelljen e pahijshme ndaj Hailey-t. Në video duket këngëtari, i cili u shfaq në një klub nate së bashku me DJ Diplo-n në Las Vegas. Justin të krijon përshtypjen sikur i bërtet Hailey-t.
Justin and Hailey Bieber spotted out in Las Vegas (July 9) pic.twitter.com/BAtpwhBxxZ
— Justin Bieber Crew (@JBCrewdotcom) July 11, 2021
Videoja qarkulloi fillimisht në “TikTok” dhe njerëzit pretenduan sjellje të papërshtatshme apo abuzive. Ndërkohë disa njerëz të tjerë thonë tjetër version.
Ai nuk po bërtiste. Unë isha atje dhe e dëshmoj këtë. Ishte e gjitha adrenalinë.
Ndërkohë në një tjetër koment dikush shkruan:
Ai ishte në adrenalinë pas performancës. Nuk ishte i zemëruar me Hailey-n dhe nuk po i bërtiste. E urrej faktin që njerëzit e nxjerrin gjithnjë si person të keq.
Një përdorues i “Twitter”, i cili gjithashtu pretendon se ishte dëshmitar i skenës, tha se Justin ishte në gjendje të mirë dhe po i tregonte një histori, por njerëzit në internet janë gjithnjë të gatshëm të krijojnë skenarë.
Rikujtojmë se, kjo nuk është hera e parë që këngëtari akuzohet nga fansat se po abuzon me bashkëshorten e tij, Hailey Bieber.