Sport

FIFA publikon shifrat, ja numri i vizitorëve në Katar gjatë Botërorit!

Kampionati Botëror i futbollit përfundoi të dielën me finalen ndërmjet Argjentinës dhe Francës e cila u mbyll me triumfin e argjentinasve pas ekzekutimit të penalltive.

Kjo ishte hera e parë që një kampionat botëror u zhvillua në një vend aziatik, por interesimi ishte mjaft i madh.

Organi më i lartë i futbollit evropian, FIFA, raportoi këtë të hënë se Katari priti 1.4 milionë vizitorë gjatë Kupës së Botës, me një mesatare prej 53,000 spektatorësh për ndeshje në stadiume.

Një pjesëmarrje e përgjithshme prej rreth 3.4 milionë tifozësh ndoqën 64 ndeshjet në këtë kompeticion, në tetë stadiume, të ndërtuara në mënyrë strategjike më pak se një orë me makinë nga qendra e Dohas, gjë që u lejoi tifozëve të shikonin drejtpërdrejt më shumë se një ndeshje në ditë.